Li nouvèlo d’en-bas 1.

Lou rousèu, que se dis « phragmites australis », es uno planto que grèio dins li palun, emé d’aigo douço vo un pau salado mai pas gaire. Es utilisado pèr li téulisso de cabano, li paiassoun pèr s’apara dóu vènt o dóu soulèu tambèn. Aqui, lou rousèu, se dis la sagno. Sa recordo es uno ativeta econoumico impourtanto. Aquelo recordo es importanto tambèn pèr la santa e l’entretenènço de la zono umido. Pèr la naturo e pèr la sauvagino tambèn que ié vis. Dóu rousèu, n’i a en pau d’en pertout.

Photo © Jean-Pierre Trouillas

L’esplecho dóu rousèu s’espandis sus 5 000 eitare peraqui, lou mai en Camargo Gardèso. La majo part de la recordo dóu rousèu camarguen es espourta dins l’ouest e lou nord de la Franço. Mai aro, i’a de mai en mai de concurrènço di Turc, dis Ungrès, di Rouman.

La cano de Prouvènço, que se dis Arundo Donax, se recourdo en Franço, soulamen sus lou ribeirès de la Miéterrano, dins lou Var subre-tout, e aqui, en Camargo. Sèr pèr li lahutié, à fabrica de bequihoun, di fueio pèr lis estrumen clarineto, auboi…  Ansin, soun jougado dins lou mounde entié !

Li canié soun utilo pèr li lapin que se i’escoudon, e dins l’agriculturo, pèr faire li baragno, li sebisso, li tutour pèr li toumàti…

Soun touti dous de planto à rhizome, aparèi vegetatiéu souteiran emé forço ramèu. Aqueli planto camarguenco soun refourtido pèr uno salinita equilibrado, reputado à l’estrangié pèr sa dureta, sa taio e sa coulour daurado. 

Soun de vegetau que presenton forço prourpiéta : rigideta, soulideta, lóugeireta, fleissibleta, inalterabileta à l’aigo, bono isoulacioun…

Soun estanco. E bèn aqui pequé i’a dóu soulèu, uno bono terro e d’aigo.

Anoliso Chevalier

Escolo felibrenco Sian d’Aqui de Vau-Verd

Vous pouvez tester vos connaissances de la langue provençale en traduisant tout ou partie de ce texte et en nous l’envoyant à voirplus30@gmail.com pour correction éventuelle.

Photos © Jean-Pierre Trouillas