Revengudo di biòu
Anico e Jaume vous fan viéure la courso
Dissate 8 d’Avoust 2020
Vuei es la proumiero courso dins lis areno de Vau_Verd.
Es lou club taurin » l’Abrivado » en Aveni Souveni Christian Mestre e Nicole Dumatra.
Sian à Vau- Verd e lou mounde sus li gradin « blagon » soun touti à sa plaço. I a un moumen que nous sian pas vist !!!
As toun masco? Vo acò vai bèn !!!
L’escolo de rasetaire de Pichoto Camargo rasetoun lis emboula an boun biais.
Mai après lou tresen bioù a fagu faire interveni lou manescau Henri Fabre pèr sagela la barrièro que lou biòu aviè fa sauta . A esta un pau longo mai persouno dis rèn .Es la proumiero !!!
La courso debuto. Sèt rasetaire à la capelado.
Tutu , Asti Triton un pau decevable pièi Vincent fai sa despedido, beù bioù bèn plaça es encaro bèn aqui, tras que bon di Carmen e picamen de man à soun intrado. Mérita.
Li tres que seguisson fan uno courso ounourable.
Mai lou Petous de Saumade a esta lou meiour e a gagna lou pres de la journado.
Lou club a recoumpensa li famiho, li rasetaire, li tournejaire, lou manadié Saumade e cop de cor à M. Béranger Aubanel sèns oublida M. Bouchité pér l’escolo baia pér M Vincent Marignan e M. Lopez merita.
Osco lou club. Journado agradivo
Jaume
Escapado prouvençalo
Aqueste cop sian ana de l’autre coustat dóu Rose, à Noves. Uno courso de ligo emé li manado prouvençalo, Bon, Fabre-Mailhan e La Galère.
Bon : poulit gàubi pèr li tres biòu, bon biais pèr lou 415 e lou 526. Lou tresen (n° 512) a besoun d’un pau mai de tèms pèr s’afourti. Lou pelot et lou baile-gardian an fa uno bello demoustranço de travai coumplementàri.
Fabre-Mailhan (n° 402, 523, 727). Aqueli soun un pau fantasc pièi, quand an coumpres, luchon emé lis ome en blanc.
Li 455 e 543 de La Galère, bèu e mechantas, cercon lis ome e luchon gaiardamen.
Lis ome an bèn travaia, mai, de cop que i’a, an, tout-bèu-just, evita l’acidènt. Esmougudo dins lis areno ! Crid e picamen de man !
Uno escapado forço agradivo !
Anico
