CANDELOUSO
La candelouso acabo li fèsto de Nouvè, devèn demounta la crecho. Chasque santoun bèn apara e recata dins di bouito de cartoun en esperant la periodo de l’Avènt. Pèr la messo de mejo-niue, à passa-tèms, chasco famiho fasié benesi uno candèlo prenent suen de la garda escleira en jusqu’à l’oustau.
Lou mas èro alor apara de la foudre pèr l’annado.
Dóu coustat de Niço, lou pacan que gardavo sa candèlo emé sa flamo, èro assegura de pas mouri dins l’annado !
À l’oustau fasié lou tour dóu tenamen e versavo quàuqui gouto de ciro dins la gamato di bèsti. Lou jour de Candelouso se manjave un plat à baso de froument. La tradicioun di crespo èro nascudo ! Aquéli belli crespo que fan lingueto à touto la famiho e que la formo redouno fa pensa au soulèu. Fau teni uno peçeto de mounedo ( tóuti avèn pas de Louïs d’or) dins la man senestro en fasènt sauta la crespo de la man drecho . Se poden tasta emé de sucroun, de counfituro, de choucoulat e que sabe mai !
LA CHANDELEUR
La chandeleur termine les fêtes de Noël, nous devons démonter la crèche. Chaque santon bien protégé et rangé dans des boîtes en carton en attendant la période de l’Avent. Pour la messe de minuit, dans le temps, chaque famille faisait bénir une chandelle en prenant soin de la garder éclairée jusqu’à la maison.
Le mas était alors protégé de la foudre pour l’année.
Du côté de Nice, le paysan qui gardait sa chandelle avec la flamme, était rassuré de ne pas mourir dans l’année !
A la maison, il faisait le tour de la propriété et versait quelques gouttes de cire dans les auges des bêtes. Le jour de la Chandeleur, on mangeait un plat à base de froment. La tradition des crêpes était née !
Ces belles crêpes qui font envie à toute la famille et dont la forme ronde fait penser au soleil. Il faut tenir une piécette de monnaie ( tout le monde n’a pas de Louis d’or) dans la main gauche en faisant sauter la crêpe de la main droite. On peut les apprécier avec du sucre fin, de la confiture, du chocolat et que sais-je encore !
Janvié 2024
Lis escoulan de Sian d’Aqui
